Noraboa!! A gañadora do concurso "Gústame o galego" Jimena Fernández Carballo

 

DÍA DAS LETRAS GALEGAS

DESCUBRIMENTOS ARQUEOLÓXICOS MÁIS IMPORTANTES.

DESCUBRIMENTOS ARQUEOLÓXICOS MÁIS IMPORTANTES

Tumba de Tutankamón

Tutankamón fillo de Akenatón foi o último faraón de sangre real da dinastía; reinou de 1336 a 1327 a.C (nove anos). A súa tumba foi encontrada no Val dos Reis o 4 de novembro de 1922 polo británico Howard Carter. Constituíu un dos descubrimentos arqueolóxicos más sensacionais da historia da exiptoloxía, debido á gran riqueza arqueolóxica encontrada. Ata o momento é a única tumba real encontrada cun enxoval funerario tan variado e numeroso con moitos bens conservados e practicamente intactos. Este material encóntrase na actualidade no  Museo do Cairo en Exipto.

 Partes da tumba:

A- Escaleira                          

B- Corredoiro

C- Antecámara

D- Anexo

E- Cámara funeraria

F- Cámara do tesouro

     

Plano da tumba.                                           Máscara funeraria de Tutankamón.

Código de Hammurabi

Foi creado no ano 1760 a. C. polo rei de Babilonia Hammurabi; é un dos conxuntos de leis más antigos e un dos exemplares mellor conservados deste tipo de documentos creados na antiga Mesopotamia. A súa finalidade era homoxeneizar xuridicamente o reino de Hammurabi, dando a todas as partes do reino unha lexislación común, xa que así se podía controlar o conxunto con maior facilidade. Ademais o rei ordenou que se puxesen copias do Código nas prazas de cada unha das cidades para que o pobo coñecese as leis e os seus castigos.

 O descubrimento foi realizado en Susa, Persia por arqueólogos franceses en 1902. É unha estela de diorita que consta na parte superior dunha imaxe de Hammurabi recibindo o rei do Sol, Ashmash, seguida dun prólogo, 282 leis (faltan os números 66-99 e 110-111)  e un epílogo, onde se regula a vida social e económica en todos os seus aspectos, establecendo un implacable sistema penal, todo isto escrito en lingua acadia. A súas dimensións son de 2.5 metros de altura e están escritas máis de 3600 liñas. Actualmente o Código de Hammurabi encóntrase no museo do Louvre en París.

   

Parte superior do Código.                    O Código no museo do Louvre. 

Os guerreiros de Terracota

Son un conxunto de máis de 8000 figuras de guerreiros e cabalos de terracota a tamaño real, que foron enterrados cerca do primeiro emperador de China da Dinastía Qin, e entre as súas xestas encóntrase unificar China cunha implacable forza. Foron descubertos por uns campesiños durante unhas obras para o abastecemento de auga en 1974 cerca de Xi'an; é un dos descubrimentos máis importantes do século XX.

Enterraron estas figuras xa que se cría que o Emperador seguiría tendo tropas baixo o seu mando. Consta de tres fosas: a primeira contén máis de 7.500 guerreiros e algúns deles non están  desenterrados; a segunda ten 69 figuras e é coñecida como “A fosa dos xenerais”, crese que representa o estado maior do exercito; e a terceira contén 1000 guerreiros, moitos deles sen restaurar. Todos os guerreiros superan o metro oitenta e teñen unha compostura forte

Andrea García Vázquez – 3º B

INFORMACIÓN SOBRE ALGUNHAS ÓPERAS

INFORMACIÓN SOBRE ALGUNHAS ÓPERAS

RIGOLETTO

Xénero: Ópera en tres actos.

Estilo: Romanticismo musical italiano.

Compositor: Giuseppe Verdi.

Ano: 1851

Estrea: Teatro La Fenice de Venecia, o 11 de marzo de 1851.

Lugar no que se desenvolve a obra: Corte de Mantua e arredores, Italia.

Época na que se desenvolve a obra: Século XVI

Argumento da obra: Un duque que goberna Mantua adícase entre outros mesteres a seducir e abusar de cantas mulleres lle prace, aínda que para iso teña que matar a pais ou maridos. Rigoletto será o bufón, á vez que cómplice e partícipe en todas estas historias, ao ser un tipo parecido ao duque. Non obstante, o bufón ten unha vida paralela onde é un amante pai dunha filla secreta. Os seus delitos conducirano (sen decatarse) ao rapto da súa propia filla e á complicidade da súa posterior morte. Co que dalgunha forma se cumpre, ou polo menos o bufón créeo así, a maldición que o conde de Monterone lle realizou ao burlarse e partidipar da súa desdita.

TOSCA

Xénero: Ópera en tres actos.

Estilo: Postromanticismo musical.

Compositor: Giacomo Puccini, con libreto de Giuseppe Giacosa e Luigi Illica.

Estrea: Teatro Costanzi de Roma o 14 de xaneiro de 1900.

Lugar no que se desenvolve a obra: o primeiro acto na igrexa romana de Sant’Andrea della Valle, o segundo acto no Palazzo Farnese e o terceiro no Castel Sant’Angelo.

Época na que se desenvolve a obra: 1800

Argumento da obra: A trama xira en tono a Tosca, cantante de ópera e o seu amado, Mario. Ambos os dous vense inmersos nunha triste historia por tratar de axudar a un revolucionario que é perseguido pola xustiza. De resultas de todos os acontecementos derivados da súa acción, ambos personaxes morrerán: Mario, executado por un pelotón ás ordes do malvado xefe da policía vaticana; Tosca, precipitándose ao baleiro para non se deixar capturar polos soldados.

            Para a súa elaboración Puccini empregouse a fondo, e dedicouse a escoitar para reproducir fielmente, como soaban as campás das igrexas romanas e mandou construír un instrumento que reflectise  os seus sons.

LA TRAVIATA

Xénero: Ópera en tres actos, baseada no libro “A dama das camelias” de Alejandro Dumas.

Compositor: Giuseppe Verdi.

Ano: 1853

Estrea: Estreouse no Teatro La Fenice de Venecia o 6 de marzo de 1853 e foi un fracaso debido principalmente á inadecuada primeira intérprete de Violetta. Posteriormente foi representada por segunda vez, con enorme éxito, de novo en Venecia, esta vez no teatro San Benedetto o 6 de maio de 1854. A partir de entón foi unha das óperas máis queridas polo público.

Lugar no que se desenvolve a obra: París e os seus arredores.

Época na que se desenvolve a obra: Mediados do século XIX.

Argumento da obra: Violetta Válery, distinguida cortesá parisiense, namórase de Alfredo Germont, co cal vai vivir a unha casa de campo próxima a París. O pai de Alfredo intenta que o se fillo volva á vida ordenada, e, convencido de que o amor pode máis que a súa autoridade, humíllase e vai pregar á amada do seu fillo que remate aquelas relacións que el pensa que prexudican a Alfredo. Violetta intenta convencer ao ancián da sinceridade do seu amor, pero, sacrificándoo polo ben do seu amado, vaise da casa e deixa escrita unha carta frívola e cruel. Alfredo, ferido polo desengano e picado polos celos, ofende grave e publicamente a Violetta, e entón o seu pai explícalle o sucedido e a grandeza do amor desta.

            Alfredo vai ver a Violetta para pedirlle perdón. Violetta está moi enferma, e só lle quedan unhas poucas horas de vida. Nestas, ambos os dous recordan a época boa do seu amor. Violetta entrégalle a Alfredo un medallón co seu retrato e finalmente Violetta morre nos brazos de Alfredo.

Mónica Álvarez Rodríguez – 3º C

AS ONG

AS ONG E O SEU PAPEL NOS PAÍSES SUBDESENVOLVIDOS

ONG é a sigla de Organización Non Gobernamental. Trátase de entidades de carácter privado, iniciativa social e fins humanitarios, que son independentes da administración pública e non teñen afán lucrativo. O seu campo de acción pode ser local, nacional ou internacional. Algunhas delas son:

Médicos sen fronteiras

   É unha ONG con sede na cidade de Ginebra, Suíza, que se financia en boa parte mediante doazóns privadas e que ten como principais operacións o establecemento de servizos de asistencia sanitaria en países pobres e a subministración de coidados médicos de emerxencia . Na actualidade, MSF é unha das ONG máis grandes e influentes, que conta con máis de dous millóns de socios e con proxectos en máis de oitenta países, ademais de numerosos premios recibidos, como o Premio Nobel da Paz de 1999.

Médicos Sen Fronteiras España, no ano 2008, actuou en 23 países ou territorios, nos que levou a cabo diversos proxectos como a atención a pacientes de SIDA, tuberculose, kala azar, chagas, enfermidade do sono, desnutrición infantil, meninxite e malaria; a vítimas da violencia e o desprazamento, ou a asistencia a poboacións excluídas dos sistemas sanitarios, como inmigrantes sen papeis ou nenos da rúa.

 

UNICEF

   UNICEF é a sigla de United Nations International Children’s Emergency Fund (Fondo Internacional de Emerxencia das Nacións Unidas para a Infancia). É unha organización que se dedica a cubrir as necesidades dos nenos, a través de programas para prover comida, educación e atención sanitaria en calquera lugar do planeta. Loita ademais polo cumprimento da Declaración dos Dereitos do Neno que asegura que ao neno se lle deben outorga-los “medios necesarios” para o seu “normal desenvolvemento material e espiritual”.

   Na actualidade, esta organización mundial, enfoca o seu traballo en distintos aspectos como:

-           Supervivencia Infantil e Materna. O fin principal que UNICEF quere lograr  é reducir a mortalidade infantil, que ten na actualidade taxas alarmantes. Para conseguilo traballa  mellorando as condicións de saúde, nutrición ou saneamento.

-       

   A educación e a igualdade, un dereito fundamental polo que loita para que sexan realidade en todo o planeta.

-           VIH, Sida e Infancia. Máis de tres millóns de nenos en todo o mundo sofren esta enfermidade. UNICEF traballa pola prevención da transmisión da pandemia entre nais e fillos e a atención ou a protección dos menores que estean afectados.

-           Protección contra o abuso e a explotación. Neste sector, o obxectivo fundamental que esta organización pretende lograr coas súas accións son o evitar que calquera neno sexa vítima do abuso sexual, a explotación laboral, o matrimonio infantil ou a militarización.

 

                     

MANS UNIDAS

   Mans unidas é unha Organización Non Gobernamental para o Desenvolvemento (ONGD) católica de voluntarios que se creou en 1960 como unha campaña puntual contra a fame; a partir de 1978 pasou a considerarse xa como ONGD e recibiu o seu nome actual.

   O seu obxectivo xeral é:

-           Sensibilizar e informar a opinión pública sobre a realidade do Terceiro Mundo para impulsar cambios nas estruturas e na actitude que promovan a xustiza. Neste aspecto, ten moita relevancia potenciar a Educación para o Desenvolvemento.

-           Financiar proxectos de desenvolvemento en Asia, África, América Latina e Oceanía. Estes proxectos están elaborados polo grupo do Terceiro Mundo que solicita a colaboración de MANOS UNIDAS e teñen como obxectivo mellorar as condicións de vida das persoas e posibilitar procesos de autosuficiencia comunitaria. Os fondos son enviados directamente, o que diminúe os gastos e incrementa a eficiencia.

Irea García Fernández 3º B

         

CORAZÓNS DA INDIA

É unha ONG sen ánimo de lucro, apolítica, aconfesional e totalmente independente. Foi  fundada por Lola Feliu, Peter Hansen e Óscar Portillo, rexistrada en Cataluña e con sede en Barcelona.

Colabora con proxectos locais na India na mellora da calidade de vida e benestar da poboación máis desfavorecida. Atende ás áreas de saude, alimentación, educación e infraestruturas.

Promove dende España e India accións de recadación de fondos cuxo destino son proxectos de cooperación con entidades locais na India, axudando a xente máis necesitada, especialmente nenos.

Corazóns de India recolle doazóns do mundo occidental para axudar os máis necesitados en distintas partes da India.

O seu traballo é voluntario, polo que o diñeiro íntegro das doazóns reverte directa, e completamente, nos proxectos que apoian.

 LOGROS DESTACADOS

·        En Kalakar Colony, barrio de chabolas de artistas de rúa:

1.     1998: programa de erradicación da tuberculose (beneficiáronse case un millar de persoas).

2.     1998: programa de alfabetización da muller adulta (máis dun millar de mulleres beneficiadas).

3.     2000: inicio de actividades informáticas na escola.

4.     2001: almorzo escolar.

5.     2002: contribución para a construción dun auditorio multifuncional na escola.

6.     2003: contribución para a reparación da cuberta da escola, pintura da fachada e valado e cerramento das súas intalacións.

7.     2004: construción dun pequeno xardín na escola de Kalakar – “O Xardín do Mariano.”

8.     2006: potenciación da escola e as súas artes.

9.     2007: organización de voluntarios españois para impartir distintas ensinanzas na escola de Kalakar, nas áreas de informática, inglés e artes.

·        En Antyodaya, o fogar de acollida para os máis pobres e necesitados:

1.    2006: roupa para os internos do fogar de acollida de Antyodaya.

2.    2007: colaboración nos gastos xerais do fogar de acollida.

3.    2008: ambulancia equipada para atender mendigos enfermos nas rúas de Delhi.

4.    2009: inician a construción dun pequeño edificio de cinco plantas diante da estación de trens de Old Delhi, como centro complementario asistencial.

5.    2012: compra de mobiliario para equipar o edificio de cinco pisos de Amritanad Niketan.

AS

                *CRUZ VERMELLA*

·        Movemento Internacional da Cruz Vermella e da Media Lúa Vermella

O Movemento Internacional da Cruz Vermella e da Media Lúa Vermella é unha institución humanitaria, internacional e de carácter voluntario. Fundouna Henri Dunant en Suíza no ano 1863 , e dende entón traballa en favor dos colectivos máis vulnerables e necesitados. Defende os dereitos humanos, as minorías étnicas e o medio ambiente. A Cruz Vermella fomenta a cooperación dos países máis ricos cos máis desfavorecidos.

O movemento componse de varias organizacións distintas que son xuridicamente independentes entre si, pero están unidas no movemento a través duns principios básicos comúns, os obxectivos, os símbolos, os estatutos e os órganos de goberno.

O hospital da

                                 Cruz Vermella

                                 de Vigo pechou

                               en maio de  2010.

Está formado por:

·        Comité Internacional da Cruz Vermella.

·        A Federación Internacional de Sociedades da Cruz Vermella e da Media Lúa Vermella.

·        As 187 Sociedades nacionais da Cruz Vermella e da Media Lúa Vermella..

O día 8 de maio celébrase o Día Internacional da Cruz e da Media Lúa Vermellas.

Principios fundamentais

·        Humanidade: a Cruz Vermella tenta previr e aliviar o sufrimento humano, traballa pola vida, a saúde e a dignidade humana. Favorece a comprensión, a cooperación e a paz duradeira entre tódolos pobos da Terra.

·        Imparcialidade: non discrimina a ninguén pola súa nacionalidade, raza, relixión, ideoloxía ou condición social.

·        Neutralidade: actúa sen tomar parte nas controversias de tipo político, racial, relixioso ou ideolóxico.

·        Independencia: colabora cos poderes públicos que promoven accións humanitarias, pero mantén unha autonomía baseada nos seus principios.

·        Carácter Voluntario: a Cruz Vermella é unha institución de socorro, voluntaria e desinteresada.

·        Unidade: en cada pais só existe unha sociedade da Cruz Vermella ou da Media Lúa Vermella, accesible para tódalas persoas en todo o territorio.

·        Universalidade: tódalas sociedades da Cruz Vermella e da Media Lúa Vermella comparten os mesmos valores e dereitos, son solidarias entre elas e con tódolos pobos.

Greenpeace

Greenpeace (do inglés green: verde, e peace: paz) é unha organización ecoloxista fundada en Canadá en 1971, de ámbito internacional, independente económica e politicamente, que non acepta doazóns nin presións de gobernos, partidos políticos ou empresas, e que se autofinancia polas achegas dos socios e doadores (95% dos seus fondos), así como a través da venda de produtos co nome de Greenpeace.

Historia

Segundo cifras de Greenpeace, o número dos seus socios en todo o mundo en 2005 era de tres millóns. No mesmo ano, en España eran 85.000.

O obxectivo da organización é protexer e defender o medio ambiente, intervindo en diferentes puntos do planeta onde se cometen atentados contra a natureza. Greenpeace leva a cabo campañas para deter o cambio climático, protexer a biodiversidade, en contra dos transxénicos, contra a contaminación, para acabar co uso da enerxía nuclear e das armas e fomentar a paz.

Cunha oficina principal en Amsterdan, traballa en estreita colaboración coas 38 seccións nacionais, ademais de cos diferentes barcos que posúe, o máis coñecido deles quizais o Rainbow Warrior. A toma de decisións faise tendo en conta a maioría de sectores que conforman a súa estrutura interna, intentado que ninguén poida tomar decisións unilaterais non acordes coa maioría dos membros representativos.

Acción de Greenpeace contra a multinacional petroleira Esso, dona nesa altura do Exxon Valdez, naufragado nas costas de Alaska.

Salvando as baleas

Quizais as accións e imaxes máis coñecidas e recoñecidas de Greenpeace dende a súa fundación foron aquelas nas que se vían os activistas de Greenpeace interpoñer as súas lanchas, e as súas vidas, entre os arpóns dos barcos baleeiros e os cetáceos que estes querían capturar. Quizais por iso sexa un paradoxo que tras 14 anos de moratoria na caza de baleas, en setembro de 2003 o Rainbow Warrior se atopase de novo en augas de Islandia para impedir e denunciar a pretensión por parte do goberno deste país de continuar coa industria baleeira.

A finais do 2005 dous barcos da flota de Greenpeace, o MV Artic Sunrise e o MV Esperanza, comezaron a sucar os océanos da Terra durante un ano, denunciando os perigos que os axexan. A súa primeira acción foi interceptar a flota baleeira xaponesa e esixirlles que abandonasen inmediatamente o Santuario Baleeiro da Antártida.

Ana Paredes Torres  3º B